«për një shoqëri me dashuri dhe shpresë»

    “Protagonistët” është një shkollë 9 vjecare, jo publike qe ndodhet në dy ambiente të bukura.  Klasa e parë deri në të trejtën ndodhen në ambientet e parkut të Tiranës pranë liqenit artificial.  Kurse klasat më të larta ndodhen në kompleksin e ri “Qendra Thavor” afër Malit të Dajtit.  Viti 2006-07 ka filuar me një klasë të pestë e cila do të vazhdoj deri në klasën e nentë.  Metodat bashkëkohore, të përparuara perëndimore të mësimdhënies, i japin nxënësve një përvojë arsimore të re dhe unike. Nxënësit ndjekinprogramin shtetëror të shoqëruar me njohuri shtesë në gjuhën angleze, shkencë, dhe kompjuter.

     Emri «Protagonistët» paraqet dëshirën tonë që nxënësit të bëhen udhëheqës të brezit tjetër. Nëpërmjet aktiviteteve mësimore që kanë si pikësynim zgjidhjen e problemeve dhe aftësimin në mendimin kritik, ata do të përgatiten për një arsim më të lartë dhe do të mësojnë si të përballen me sfidat. Njohuritë në gjuhën angleze, do t’i bëjnë ata të jenë pjesëtarë të denjë të botës së qytetëruar.

Fillimet tona

     «Protagonistët» është themeluar nga fondacioni «Frymë Dashurie», një organizatë për zhvillim dhe edukim e themeluar me iniciativën e Fortlumturisë së Tij Anastasit, Kryepiskopit të Kishës Orthodhokse Autoqefale të Shqipërisë. Shkolla është hapur në shtator 2002, për të ofruar një mundësi të re dhe bashkëkohore arsimi dhe edukimi në Shqipëri. Shkolla është aprovuar dhe liçensuar nga Ministria e Arsimit dhe Shkencës.

Filozofia jonë

     Ne besojmë që shkolla është një bashkësi ndërmjet nxënësve, mësuesve dhe familjes të cilët punojnë së bashku për të kultivuar një jetëgjatësi të të mësuarit. Ne besojmë që çdo nxënës ka dinjitet dhe meriton respekt. Fëmijët janë individë që kanë mendimet, ndjenjat dhe interesat e tyre. Aftësitë dhe ajo çka ofron secili duhet të ushqehen dhe të rriten në një mjedis pozitiv dhe me përkujdesje.

     Ne besojmë që fëmijët kanë një dëshirë të lindur për të mësuar dhe kjo përvojë edukative dhe sfiduese do të nxisë natyrshëm interesin e tyre. Ne besojmë se shkollimi do t’i përgatisë nxënësit për të ardhmen duke patur parasysh kërkesat e tyre në tërësi, si ato fizike, intelektuale, emocionale, ashtu edhe ato shoqërore e shpirtërore. Tek nxënësit do të kultivohen aftësi dhe dije që do t’i përgatisin ata që të kenë një jetë të suksesshme si në planin profesional edhe në atë personal.

Misioni ynë

     Si një bashkësi shkollore ne do t’i edukojmë nxënësit me një atmosferë të ngrohtë dhe respekti të ndërsjellë, duke i inkurajuar të shkëmbejnë idetë e të nxisim vetëbesimin. Ne do t’u ofrojmë materiale edukative nëpërmjet aktiviteteve krijuese dhe të këndshme që vënë në përdorim llogjikën dhe përfshijnë në punë nxënësit, me qëllim që ata të mësojnë në mënyrë aktive dhe jo pasive. Me ndihmë dhe vëmendje të veçantë për çdo nxënës do të synojmë të ngremë sa më lart aftësitë e tyre. Do t’u japim nxënësve mjetet e duhura për t’i përgatitur për një arsimim të mëtejshëm dhe për t’i përballur me sfidat e së ardhmes duke aftësuar në zgjidhjen e problemeve, mendimin kritik, në përdorimin e kompjuterit dhe gjuhës angleze.

     Do t’u rrënjosim një ndjenjë të lartë përgjegjësie dhe udhëheqjeje, konceptet për të qenë pjesëtarë të denjë të botës së qytetëruar, si të gjejnë zgjidhje për konfliktet, si të ndërtojnë marrëdhënie shoqërore, si të kujdesen për mjedisin, gjithashtu si të jenë të dhimbsur e të respektojnë veten dhe të tjerët. Do t’u krijojmë një mjedis që i lejon nxënësit të kenë rezultate që tani dhe t’i përgatisë ata për një jetë të suksesshme.

     Ne ofrojmë

• klasa të vogla

• vëmendje të veçantë për çdo nxënës me mësues dhe asistentë në
  në shkolla fillore.

• metoda mësimdhënëse krijuese, që kanë në qendër të vëmendjes psikologjinë fëminore, duke zbatuar teknikat bashkëkohore amerikane.

• muzikë, art dhe edukim fizik me specialistë të lëndëve përkatëse

• çdo ditë mësim të gjuhës angleze nën mbikëqyrjen e mësuesve amerikanë

• kompjutera për përdorim dhe përgatitje

• një bibliotekë të pasur me libra shqip dhe anglisht për fëmijë

Pranimi

     Të gjithë nxënësit janë të mirëpritur të aplikojnë. Pranimi bazohet në përgatitjen dhe potencialin që çdo nxënës do të ofrojë në pasurimin e komunitetit të shkollës «Protagonistët». Nxënësit duhet të aplikojnë në maj për vitin e ri shkollor. Kontaktoni me shkollën për informacion mbi aplikimin dhe pagesën.

Shkolla fillore 9-vjeçare Shqiptaro-Amerikane
«Protagonistët»
në Parkun e Tiranës,
pranë Kishës së «Shën Prokopit», Tiranë.
Tel: 04 - 2240 851
Cel: 069 20 85 009